alshooog

!! Hanoofa !!


الهنوف she's like my twin sister and my best friend at the same time

日志

5月30日

!! ..happy birthday to me.. !!

اليوم : الأحد

التاريخ : 21 \5\2006

المناسبة : الاحتفال بيوم ميلادي الـ 20

الوقت : السابعه مساء

بالنسبه لي من احلى ذكرى ميلاد مرت علي ..

اولشي : دشيت العشرين << عشان بعض الناس مايسموني تين أيجر << الكلام لج ياجاره خخ

ثاني شي : أحس اني فهمت أشياء وايد فالدنيا ووصلت مرحله اقدر اخذ فيها قرارات فحياتي

مب عشان العمر .. لا بحكم الظروف اللي يمر فيها الانسان

وتقريبا السنتين اللي مرو 2005\2006 مريت بظروف وايد خلتني اكبر عشر سنين عن عمري واحاول اتسنع واخلي عن الرباده والدلع .. على قولت مرايم وايد انا فاجه ههههه

بس شكلي باتم مثل مانا خخخ ..

هالبارتي غير اعتيادي

صديقاتي اللي احبهم وهلي كانو موجودين

كان فالهيوم عندي امال جديده لحياه جديده ..

اخليكم ويا صور من البارتي

وكان خاطري اصور لكم الحشره اللي فالبيت والوضع اللي كان عليه بس خارج نطاق التغطيه خخخ

هذي كيكتي

كنت ابي اصور الجراخيات اللي عليها يوم اطفي الشموع هههه بس كنت منشغله ويا الشموع وقالولي تمني امنيه وانتي تطفين الشمعه..

ولعت الشموع مرتين وطفيتهم مرتين . وتمنيت مرتين ..

تبون تعرفون شتمنيت ..

لا سرررر

والكيكه هديه من ابو الغاليه عنودي .. وكانت على ذوقه وداخلها ايس كريم يم يم يم

عمووووو الغالي ابو عنودي .. مشكووور لا خلا ولاعدم منك

وكان بيكتب لي عليها شعر من كلامه بس عنودي خربت علي وقالت له لا مب حلو الشعر ويفشل اهئ اهئ

وهذي خرابيط الاحتفال اللي وزعتهم على الكل وخليتهم الزامي يلبسونهم وانا اطفي الشمعه

حتى الكبار لبستهم خخخخخ

طاطاطاطاطا << صوت المزمارة مدري شسمه

هابي بيرثدي تو شوشو

وناسه كلهم غنوووو لي

اما هذي تجهيزات سمعيه للمكان

سماعات وحركات وكان الوضع وايد حلوو

طبعاَ مشكور ياحماني ياحبيبي ياخوي على الترتيب الحلو

بس شوي فشلوني يقولون الاغاني فاشله

شاسوي مب مال طقطقه انا وايد علي خالد عبدالرحمن تقوى الهجر خخخ

وهذي الله يسلمكم الهدايا اللي ياتني وهي منثرررره على الارض

والصراحه مشكورين ماقصرتوو كلفتو على اعماركم

وجودكم يكفيني

وهذي بعد مافتحت الهدايا لانه قلبي معورني مابي افتحهم كان خاطري اخليهم جذي ذكرى ..

هذي بطاقاتي

اللي صج اعتبرها اغلى الهدايا

موني الكل علق على بطاقتج اللي كاتبه فيها يارب اشوفك فبيت العريس هههههه

امي قالت بعد عمر طويل خخخخ فديت امي

واخوي قالي خوش دعوة

بطاقه الحب عنودي ..

فديتج انتي

اخيرا صرت فالعشرين هاا عنوووودي اهئ اهئ

بس انتي بتعيزين قبلي وبيطلع لج شعر ابيض قبلي

ويك ويك ويك

اي والله انج حبي الابدي والخالد والخالص والازلي وآمين الله لايفرقنا

ذيج السنه ولادبدووب

هالسنه ياني دبدووب حلو كبيير

طبعاَ انضم حق ربعه ..

وهذي كيس فيه علب كندر شكثررررر

من الهدايا اللي حبيتها بعد وناسه ثانكيو دن دن

آخر شي

مابعطيكم من كيكتي لاانكم ماجيتوو

بس يالله براضيكم باشكال وانواع الشوووكلت اللي احبه

هذي الفونسز حق ناس يحبونه

مره ياو بيتنا ويبون وماعطيتهم خخخخ

وبس

هابي بيرثدي تو مي وانشالله ايامي كلها سعاده قولووووو امين

وهي هي هي أنا كبررررررررت

20:22 | 添加评论 | 阅读评论 (14) | 固定链接 | 写入日志

5月27日

هالتصميم من مدة بديت فيه وكل يوم اضيف له شي

قريب من قلبي وايد

وبما اني صارلي مده ماصممت شي جديد

هالتصمييم طاازج

اللي بيقرااا الكلام اللي فيه بيفهم التصمييم

وهو من كلامي

ومن القلب .. للـ قلب .. !!

http://alshooogqatar.jeeran.com/sa3aada.jpg

وانشالله البلوق الجاي بيكووون عن ماي بارتي

صور من حفلة يوم ميلادي

21\5\2006

انتظرووووو الصور

12:49 | 添加评论 | 阅读评论 (4) | 固定链接 | 写入日志

5月21日

!! .. نهاية قصتي .. !!

خاطره جديده

17\2\2006

1.30 pm

تبون أكتب نهاية قصتي ؟

وإلا أحكيها لكم أحسن ..؟

.. تبون أشكي .. تبون أبكي .. ؟

تبون أغرق الدنيا بدمعة طاحت على (حضني)؟؟؟

على ثيابي .. على فراشي ..

على (صورته) اللي أحتضنها كل يوم ...

.. على (حنتي) المرسومه في إيديني هذاك اليوم ..

قصتي قصة (فتاةِ) خانها حلم الطفولة ..

خانها وقتها أيامها حتى الزمن ..

.. خانها إحساس محبوبِ ..

مايحارب أزماته والمحن ..

نهاية قصتي وبداية أوجاعي ..

بداية جسد عايش بليا روح ..

ونهاية (احساسي)؟؟

رحت كنك غريب ..؟؟؟؟

ماكنك اللي عايشته وعايشني ..؟

باحساس مرهف صادق مايشوبه أي شي ..

حس تعلى .. فوق .. فوق ..

ماحسه (ميت) ولا بيحسه أي حـــي ...

إحساسي اللي دفن نبضه يوم فرقاك ..

إحساسي اللي ندب حضه .. وماقدر يلقاك ..

أنام ودمعي غرّق عيوني ..

وأصحى وألاقي دمعتي .. جفت على لحافي ..

.. لازم ماتلوموني ..

.. لازم ماتسألوني ..

سبب دمعي ....؟؟

.. عجز صبري ..

يشيل قلبي مع همومه ..

يعيش مثل هالناس يومه ..

بكى قلبي .. صرخ حسي .. تعب نوحه تعب بوحه ..

أبي دنيا تنسيني (غلاي) اللي راح ..

قبل لايروح .. على صدري .. بكا واستراح ..

ردد الكلمات أنه يبيني ..

وماشفته يوفي بدينه وديني ..

بكا محبوبي على صدري ..

ودمعه على كتفي بدا يجري ..

تعبت لحظتها أكتم العبره ..

بكيت من أبكاه ..

ولا يدري أبد عني ..

و لا يدري سبب بكاي ..؟؟؟

أبكي على حلمي .. اللي تحطم وانكسر ..

ابكي على وقتي .. اللي ضاع والعمر...؟

(غلاي)

(محبوبي)

عساك تعيش متهنتي ..

تفرح تغني ..

عساها الضحكة ماتفارق شفاك ..

بس بكون انا مومعاك ..

تذكر حبيبي اهديتك هالكلام .. بيوم ميلادك ..

؟؟

تذكرني دوووم بايامك وبلياليك وبأعيادك ..

محبوبي اللي راح ..

قلبي سقتيه الجراح ..

منك أبد ماستراح ..

وياعسى بعدك تلتأم كل الجراح ..

الله يهنيك بدوني ..

كنت نور عيوني ..

والله يكون بعونك وعوني ..

وآخر كلامي ..

ختام أحلامي ..

ضاعت أيامي ..

بقت صورتك .. وهداياك والذكرى ؟..

بعيش فيها باقي أعوامي ..

وهذي باختصار ..

قصتي ,,

نقطة بداية ..

... ونهايتها .. أوجاعي ...

1\9\2002

10\5\2003

2\2\2006

http://songs1.6arab.com/3abdelkareem_resala-min-emra2a.ram

21:11 | 添加评论 | 阅读评论 (3) | 固定链接 | 写入日志

5月2日

ولكم باك سبيسي

مرحبا حبايبي

مرحبا سبيسي

وحشني من قلب سبييسي

لانه مسين كان مرررريض وتم فتره مايفتح يحليله ..

لين فتح وياييييييييي

وحشني اوي اوي اوي

اوكي بعد الغزل فسبيسي العزيز

أحب أقول اني رجعت وبقووو وابي انشغل ويا السبيس شوي واحط بلوقات جديد ..

الحمدلله انا خلصت من اللي كان شاغلني وتوظفت الحمدلله

وتفظلو كابتشينو من أوفسي العزيز

ونسيت اقولكم عشان تباركون لي لاني اخيرا خذت لاب توووووب

واليوم بحط لكم صووور من تصويري فأخر رحلة للبر

وانتظر رايكم ..

والكلام اللي فالصور كلامي
من ايحاء الصور انشالله تعجبكم ...

نفتتح الصور بهالعشب مدري على قولة امي الفاكهه السامه ههههههههه

مدري وشو هاي يمكن يراوه << على كيفي خخخخ

أموت ع الطيور ..
يقدرون يشوفون فأي وقت يبونه .. اللي مايقدر يشوفه البشر ,,,

غرامي الغصووون .. صوت شكثررر عشان الفوتوو ..

أحس الغصن يوحي حق القلب وعرووقه

ذكرى ..

الغدير

الحين نشوووف ماااااوراء الكواليس .. والاكشن اللي صار

طبعاً عقب ماخلصنا من الرحله البريه
قلت حق البابا الله يطول بعمره اني خاطري اروح الخوور ..

وغيرناا الوجهة الى الخووور

وعجبوني هالدلال على الدوار ..

ورحنا صوب كورنيش الخور

وشفت اليهال يصيدووون سمج وقمت اتحرش فيهم

وتم بيني وبين البطل الصغير احمدووو << رفيجه يناديه ولقطت الاسم ..
هذا نص الحوار بيني وبينه ..

أنا : شتسوووون تصيدون سمج ؟؟

احمدو : أي بس اليوم مب شي البحر .. مافيه سمج انتي يايبه كيمرا شتصورين البحر فاضي ..

(احرجني شوي )

أنا : لا لا بس بصوور غروب الشمس

(هههه رقعي رقعي )

أحمدو : انا بروح البيت اجيب عجين حق الصيد

أنا ( وبكل تعجب ) : طحين .. !!

وخلص الحوار بيني وبينه وللحين اسأل شسالفله العين
رحت اسأل ابوي قال ذيلاا عيال بحر مشالله عليهم والعين اظنتي على ماتذكر من الكلام اللي قاله لي ابوي انه شي يحطونه عشان يصيدون السمج

هاي احمدوو ورفيجه وهم يصيدون

ومرينا صوب فرضة الخور

صراحه فله

وبس هاي اللي صار خلف الكواليس في الرحله الحلوه ..

هاي اللي عندي اليوم ..

لا لا

لحظة

نسيت اراويكم صديقي الصدوق

وماسح دموعي ..

وحبيبي ..

دبدوووبي الغالي ...

وبس ... هاي كل اللي عندي اليوم

سي يو

23:22 | 添加评论 | 阅读评论 (2) | 固定链接 | 写入日志

1月23日

!! من تصويري !!

هاي

أدري أني مقصرة فحق سبيسي وايد

بس هالمره رجعت بحركه جديده

لازم اطلع لي بسوالف

اول مره اجرب التصوير

وانشالله يكووون حلووو

بنكي بنكي الدنيااا كلهااا بنك

قلتررررررررر ذهبي

يازين العطوووووورات والله
والبخوووور

وفي فازاااااااا طويله فيها كرستالات صغيره موجوده فغرفتي
مريت حذاهاا وبالغلط طاحت وانكسرررررررررت
وعجبني شكل الكرستالات وهم طايحين على الارض والقزاااااااااز حوله
قلت اصوره وطلعت وياي هالصوره

عادي هاي آخر شي لازم يكوون فيه اكشن فالسالفه هههههه